Tokio, 17 yanvar , /AJMEDIA/
Yay fəslində Azərbaycanda istirahət etmək istəyən rusiyalıların sayı 79 faiz artıb.
AJMEDIA xəbər verir ki, bu barədə “Ostravok.ru” onlayn bron servisi məlumat verib.
Rusiyalı turistlər getdikcə daha tez-tez Azərbaycanda yay tətillərini əvvəlcədən sifariş edirlər. Bu il erkən rezervasiyaların sayı 79 faiz artıb. Azərbaycan Rusiya vətəndaşlarının yay tətilini keçirməyi planlaşdırdığı ilk 6 ölkə sırasındadır.
Qeyd edək ki, bu il Azərbaycan ilkin rezervasiyaların sayına görə, Ermənistan, Qazaxıstan və Fransanı geridə qoyub.
