Tokio, 22 aprel , /AJMEDIA/
Milyonlarla ukraynalı qaçqın axını bu insanları qəbul edən ölkələrin xəzinəsinə ciddi zərbə vurub. İndi onlar maliyyə yardımı almaq üçün Avropa Komissiyasına müraciət etmək niyyətindədirlər.
AJMEDIA xəbər verir ki, Ukraynadan miqrasiya böhranı nəticəsində ən çox zərər çəkmiş 9 ölkə Brüsselə 14 tədbirin siyahısını təqdim edəcəklər. Onların fikrincə, bu tədbirlər Ukraynadan qaçqın axını nəticəsində bu ölkələrin büdcələrinə dəymiş zərər ilə bağlı cari tələbatın təmin olunmasına kömək edəcək. Buraya Vışeqrad dördlüyü (Çexiya, Slovakiya, Polşa və Macarıstan), habelə Bolqarıstan, Rumıniya və üç Baltikyanı dövlət daxildir. Bu ölkələr əmindirlər ki, qaçqınlara kömək göstərilməsi layihələri üçün maliyyə vəsaiti mümkün qədər tezliklə göndərilməsi məqsədilə 2021-2027-ci illər dövrü üçün təsdiq edilmiş proqramlara yenidən baxılmalıdır.
Məsələn, Praqa Avropa İttifaqından 2,2 milyard avro məbləğində əlavə vəsait ayrılmasını xahiş etmək niyyətindədir. Çexiya hökumətinin bülletenində deyilir ki, təkcə dünən Çexiyanın Əcnəbilərlə İş Departamentinə 186 minə yaxın qaçqın müraciət edib, bu isə büdcə üçün böyük yükdür.
