Tokio, 5 may , /AJMEDIA/
Sadiq Xan Londonda tarixi qələbə qazanaraq üçüncü dəfə şəhərin meri vəzifəsinə seçilib. O, Mühafizəkarlar partiyasından olan rəqibi Syuzan Holldan 276 mindən çox səs toplayıb.
AJMEDIA xəbər verir ki, ümumilikdə 1 milyon 88 min 225 nəfər Sadiq Xana səs verib. Bununla da o, səslərin 43.8 faizini qazanıb. Onun rəqibi isə ümumilikdə 812 min 397 səs toplayıb.
Qeyd edək ki, ilk dəfədir ki, London meri vəzifəsinə hər hansı bir namizəd üçüncü dəfə seçilir. Bundan öncə Boris Conson və Kevin Livinqston London meri vəzifəsini iki dəfə icra ediblər.
