Tokio, 6 oktyabr , /AJMEDIA/
Yunanıstanın Lesbos adası yaxınlığında mühacirləri daşıyan qayığın qəzaya uğraması nəticəsində ən azı 15 nəfər həlak olub.
AJMEDIA France-Presse informasiya agentliyinə istinadla xəbər verir ki, Yunanıstanın Sahil Mühafizə Xidmətinin məlumatına görə, qəza zamanı qayıqda 40-a yaxın sərnişin olub. İndiyə qədər 15 nəfərin cəsədi aşkarlanıb, beş nəfər isə xilas edilib. Hadisə yerində axtarış-xilasetmə əməliyyatı davam edir
Bu, son sutka ərzində həmin rayonda qeydə alınan ikinci oxşar hadisədir. Bir müddət öncə İon və Egey dənizlərinin qovşağında yerləşən Yunanıstanın Kitira adası yaxınlığında 100-ə yaxın mühaciri daşıyan yelkənli qayıq qayalara çırpılaraq batıb. Hadisə yerinə sahil mühafizəsinin kateri, yaxınlıqdakı yük gəmiləri, həmçinin hərbi dəniz donanmasının helikopteri göndərilib.
