Tokio, 9 avqust , /AJMEDIA/
Avqustun 10-13-də Ekvadorun Quayaquil şəhərində gənclər arasında dünya çempionatı keçiriləcək.
AJMEDIA xəbər verir ki, 65 ölkədən 400-ə yaxın idmançının qatılacağı yarışda Azərbaycanı 8 idmançı təmsil edəcək. İdmançılarımız 5 çəki dərəcəsində medallar uğrunda mübarizə aparacaqlar. Belə ki, avqustun 10-da Turan Bayramov (60 kq), 11-də Vüsal Qələndərzadə, Qadir Hüseynov (73 kq), 12-də Elcan Hacıyev, Məhərrəm İmamverdiyev (81 kq), Vüqar Talıbov (90 kq), 13-də isə Ruslan Nəsirli (100 kq), Kənan Nəsibov (+100 kq) tatamiyə çıxacaqlar.
Cüdoçularımız baş məşqçi Elxan Məmmədov və məşqçi Elxan Rəcəblinin rəhbərliyi altında çıxış edəcəklər.
