Tokio, 30 Oktyabr, /AJMEDIA/
Ukraynanın müdafiə gücünün artırılmasında Türkiyənin böyük xidməti var.
AZƏRTAC xəbər verir ki, bu fikri Türkiyə Cümhuriyyətinin yaranmasının 98-ci ildönümü ilə bağlı Kiyevdə keçirilən rəsmi qəbulda çıxışı zamanı Ukraynanın müdafiə naziri general-leytenant Andrey Taran söyləyib.
Nazir bildirib ki, Türkiyə Ukraynanın ən çətin zamanlarında həmişə yanında olub.
“Ukraynanın müdafiə gücünün artırılmasında, milli və regional əməkdaşlıqda Türkiyə strateji tərəfdaşıdır”, – deyə Andrey Taran əlavə edib.
Nazir vurğulayıb ki, Ukrayna Müdafiə Nazirliyi Türkiyə şirkətləri ilə mühüm müqavilələr imzalayıb və bu istiqamətdə işlərini davam etdirir.
