Tokio, 8 mart , /AJMEDIA/
Azərbaycan Respublikasının müdafiə naziri general-polkovnik Zakir Həsənovun rəhbərlik etdiyi nümayəndə heyəti Türkiyə Respublikasına səfəri çərçivəsində qardaş ölkənin müdafiə sənayesi kompleksinə daxil olan “Baykar” şirkətinin texniki direktoru Selçuk Bayraktarla görüşüb.
Müdafiə Nazirliyindən bildirilib ki, görüşdə Azərbaycanla Türkiyə arasındakı dostluq və qardaşlıq münasibətlərinin bütün digər sahələrdə olduğu kimi, hərbi texniki sahədə də uğurla inkişaf etdiyi vurğulanıb, cari əməkdaşlığın inkişaf perspektivləri və qarşılıqlı maraq doğuran bir sıra məsələlər müzakirə olunub.
Sonda tərəflər arasında birgə tədqiqat, təkmilləşdirmə və istehsalata dair əməkdaşlıq müqaviləsi imzalanıb.
