Tokio, 22 fevral , /AJMEDIA/
Çinin cənubundakı Quancou şəhərində Mirvari çayında hərəkət edən yük gəmisi körpüyə çırpılaraq, onu dağıdıb.
AJMEDIA Çin mediasına istinadla xəbər verir ki, səhər saatlarında baş verən hadisə nəticəsində körpüdə hərəkətdə olan bir neçə avtomobil çaya düşüb. Hələlik insan tələfatı və xəsarət alanlar haqqında məlumat yoxdur. Hazırda hadisə yerində axtarış-xilasetmə işləri aparılır.
Qeyd edək ki, Mirvari çayı Çinin xarici ticarət qapısı sayılan Quancou şəhəri ilə “Böyük körfəz zonası”nın digər şəhərləri, o cümlədən Honkonq arasında əsas əlaqəni təmin edir.
