Tokio, 21 oktyabr , /AJMEDIA/
SOCAR-ın Təlim, Tədris və Sertifikatlaşdırma İdarəsi SƏTƏM sahəsində çalışan mühəndis-texniki heyətinin peşəkar inkişafı yolunda Böyük Britaniyanın Əməyin Mühafizəsi və Sağlamlıq İnstitutunun (IOSH) “Təhlükəsiz idarəetmə” təliminin tədrisinə start verib.
SOCAR-dan AJMEDIA-ya bildirilib ki, Əməyin Mühafizəsi üzrə Milli İmtahan Şurası (NEBOSH), Risk və Təhlükəsizliyin İdarə edilməsi üzrə Beynəlxalq İnstitut (IIRSM), Ekoloji İdarəetmə və Qiymətləndirmə İnstitutunun (IEMA) prosedurlarına əsasən keçirilən təlim kursunu müvəffəqiyyətlə başa vuran 12 SOCAR əməkdaşına beynəlxalq sertifikatlar təqdim edilib.
