Tokio, 10 noyabr , /AJMEDIA/
Son illərdə Azərbaycanda həyata keçirilən sistemli və ardıcıl islahatlar nəticəsində dövlətimizin və cəmiyyətimizin bütün sahələrində köklü dəyişikliklər həyata keçirilir.
AJMEDIA xəbər verir ki, bu sözləri Milli Məclis sədrinin müavini, İctimai birliklər və dini qurumlar komitəsinin sədri Fəzail İbrahimli parlamentin İctimai birliklər və dini qurumlar, Elm və təhsil, Ailə, qadın və uşaq məsələləri, Səhiyyə və Mədəniyyət komitələrinin birgə iclasında çıxışı zamanı deyib.
Milli Məclis sədrinin müavini Zəfər Günü və Dövlət Bayrağı Günü münasibətilə tədbir iştirakçılarını təbrik edib. O qeyd edib ki, Prezident İlham Əliyevin uğurlu siyasəti nəticəsində Azərbaycan çox böyük uğurlar qazanıb. Azərbaycanın güclü iqtisadiyyatı var. Ölkəmizin dövlət büdcəsinin ildən-ilə artması sevindirici haldır.
