Tokio, 15 oktyabr , /AJMEDIA/
Qırğızıstanın paytaxtı Bişkekdə Mədəni Müxtəliflik Günü münasibətilə keçirilən tədbirdə ölkəmiz təmsil olunub.
Diasporla İş üzrə Dövlət Komitəsindən AJMEDIA-ya bildirilib ki, “Mərkəzi Asiyada Mütərəqqi Azərbaycanlılar Birliyi” ictimai birliyinin təşkilatçılığı ilə yaradılan Azərbaycan guşəsində milli mətbəximizin nümunələri nümayiş etdirilib.
Azərbaycan guşəsini ziyarət edən qonaqlara ölkəmizin zəngin mədəniyyəti, adət-ənənələri və milli mətbəxi barədə ətraflı məlumat verilib.
