Tokio, 21 Sentyabr, /AJMEDIA/
Bakıda ilk dəfə Ümumdünya Düyü Gününə həsr olunmuş festival keçirilib.
AJMEDIA xəbər verir ki, festivalda Azərbaycanda istehsal olunan düyü növləri və onlardan hazırlanan 50-dək yemək nümayiş olunub. Yerli və xarici aşpazların hazırladıqları yeməklər maraqla qarşılanıb. Tədbirdə əsasən süfrələri milli mətbəximizə məxsus təamlar bəzəyib. Azərbaycanda fəaliyyət göstərən 5-dən çox ölkənin səfirliyi də öz mətbəx nümunələrini təqdim edib. Tədbirdə iştirak edən 50 həvəskar aşpazın iştirakı ilə müsabiqə də təşkil olunub. Gün böyü davam edən festivalda səsləndirilən musiqi nömrələri və əyləncəli proqramlar bütün iştirakçıların zövqünü oxşayıb.
