Tokio, 27 Oktyabr, /AJMEDIA/
AMEA-nın Geologiya və Geofizika İnstitutu ilə Fransanın Monpelye Universiteti arasında memorandum imzalanıb. Razılaşma çərçivəsində elmi proqramların işlənməsi, birgə tədqiqatlar, mühazirələr, treninqlər və diskussiyaların keçirilməsi, tələbə və müəllim mübadiləsi sahəsində əməkdaşlığın genişləndirilməsi həyata keçiriləcək.
Bu barədə AJMEDIA-ya AMEA-dan bildirilib. Qeyd edilib ki, institutda artıq “Holosen çöküntülərinin palinologiyası və geoxronologiyası” adlı birgə layihənin icrasına start verilib. Acınohur, Göygöl və Zəligöl ərazilərinə çöl ekspedisiyası təşkil edilib.
