Tokio, 19 oktyabr , /AJMEDIA/
Azərbaycan Dövlət “Yuğ” Teatrı noyabrın 1-dən 7-dək Qazaxıstanda keçiriləcək teatr festivalında çıxış edəcək.
Teatrdan AJMEDIA-ya bildirilib ki, sənət ocağı festivalda ölkəmizi “Kloun Bizzz” tamaşası ilə təmsil edəcək.
Noyabrın 4-də festivalda nümayiş olunacaq sözügedən tamaşanın quruluşçu rejissoru Mikayıl Mikayılov, quruluşçu rəssamı isə Umay Həsənovadır.
Səhnə əsərində teatrın aktyorları Təranə Ocaqverdiyeva (Yaşıl), Zümrüd Qasımova (Qırmızı), Natəvan Qeybani (Sarı) çıxış edəcəklər.
