Tokio, 24 avqust , /AJMEDIA/
Xalq artisti Azərin Türkiyənin Bitlis vilayətinin Ahlat rayonunda Malazgirt Zəfərinin 951-ci ildönümü münasibətilə təşkil edilən konsert proqramında çıxış edib.
AJMEDIA xəbər verir ki, konsertdən əvvəl çıxış edən Bələdiyyə başçısı Abdulalim Mümtaz Çoban qardaşlıq və birlik ruhundan təsirləndiyini bildirərək “sizin möhtəşəm obrazınız, qardaşlığınız bizi çox sevindirir” ifadəsini işlədib.
Daha sonra səhnəyə çıxan Azərin Türkiyə-Azərbaycan qardaşlığına toxunaraq, Azərbaycanın Qarabağda Qələbə qazanmasında Türkiyənin dəstəyinin çox önəmli olduğunu vurğulayıb.
Oxuduğu mahnılarla vətəndaşlara xoş anlar yaşadan Azərin onu dinləməyə gələn əlillərlə də birlikdə mahnı ifa edib.
Konsertə rayon sakinləri və qonaqlar böyük maraq göstəriblər.
