Tokio, 9 noyabr , /AJMEDIA/
İşğal altındakı torpaqlarını bir qəhrəmanlıq mübarizəsi nəticəsində azad edən qardaş Azərbaycanı 8 Noyabr – Zəfər Günü münasibətilə təbrik edirik.
AJMEDIA xəbər verir ki, bu ifadələr Türkiyə Xarici İşlər Nazirliyinin Azərbaycan ünvanlandığı təbrik açıqlamasında əksini tapıb.
Açıqlamada yazılır ki, Azərbaycan Ordusunun bu tarixi Zəfəri bütün bölgədə davamlı sülh və sabitlik ümidlərinin artmasına səbəb olub. İşğaldan qurtarılan torpaqların yenidən inşa da daxil olmaqla Cənubi Qafqaz ərazisində təhlükəsizlik, sabitlik və əməkdaşlığın artması üçün Türkiyə Azərbaycanla tam həmrəyliyi və bərabər hərəkəti davam etdirəcək.
