Tokio, 28 yanvar, /AJMEDIA/
Yanvarın 28-də Niderlandın Veyk-an-Zee şəhərində “Tata Steel Masters” şahmat turnirinin 11-ci turunun oyunları keçiriləcək.
AJMEDIA xəbər verir ki, Azərbaycan təmsilçisi Şəhriyar Məmmədyarov növbəti turda rusiyalı şahmatçı Sergey Karyakin ilə mübarizə aparacaq.
Qeyd edək ki, doqquz turdan sonra Ş.Məmmədyarov 6 xalla 3-cü pillədə qərarlaşıb. Turnir cədvəlinə 7 xalla hazırkı dünya çempionu, norveçli Maqnus Karlsen başçılıq edir.
Dairəvi sistem üzrə keçirilən yarış 13 turdan ibarətdir. Turnirdə 14 şahmatçı iştirak edir.
