Tokio, 15 yanvar, /AJMEDIA/
Rusiya xarici işlər nazirinin müavini Sergey Ryabkov Azərbaycan, Ermənistan, Belarus, Qazaxıstan, Qırğızıstan, Tacikistan, Türkmənistan və Özbəkistanın səfirliklərinin rəhbərləri ilə görüşüb.
AJMEDIA Nazirliyin mətbuat xidmətinə istinadla xəbər verir ki, diplomatik missiya təmsilçiləri 9-13 yanvar tarixlərində Cenevrədə, Brüsseldə və Vyanada ABŞ və NATO ilə Rusiya Federasiyasının təhlükəsizliyinin beynəlxalq-hüquqi təminatı məsələləri üzrə keçirilən məsləhətləşmələrin yekunları, həmçinin bu mövzunun ATƏT-in Daimi Şurasının iclasında müzakirəsi barədə ətraflı məlumatlandırılıblar.
