Tokio, 17 aprel , /AJMEDIA/
Fransanın PSJ klubunun futbolçusu Kilian Mbappe növbəti rekorda imza atıb.
AJMEDIA xəbər verir ki, o, Liqa 1-in XXXI turunun “Lans”la görüşündə (3:1) fərqlənməklə Paris təmsilçisindəki qollarının sayını 139-a çatdırıb.
Bununla da PSJ-nin Fransa çempionatında ən sərrast futbolçusuna çevrilən 25 yaşlı forvard uruqvaylı Edinson Kavaninin (138 qol) rekordunu qırıb.
Qeyd edək ki, Mbappe 2018-ci ildə “Monako”dan PSJ-yə 120 milyon avroya transfer edilib. Fransa millisinin kapitanı bu mövsüm 36 matçda 32 dəfə fərqlənməyi bacarıb.
