Tokio, 21 iyun , /AJMEDIA/
Azərbaycan Taekvondo Federasiyasının (ATF) İdarə Heyətinin növbəti iclası keçirilib.
Bu barədə AJMEDIA-ya federasiyadan məlumat verilib.
İclasda cari məsələlər müzakirə olunub. Həmçinin ATF-nin fəaliyyətinin yüksəldilməsi və idarəetmədə səmərəliliyin artırılması məqsədilə Azərbaycan Taekvondo Federasiyasının prezidenti, İdarə Heyətinin sədri Kəmaləddin Heydərov qurumun vitse-prezidentlərinin say tərkibinin artırılmasını və Hikmət Səmədovun vitse-prezident vəzifəsinə namizədliyini təklif edib.
Federasiyanın ümumi yığıncağında təkliflər səsə qoyularaq qəbul edilib.
Beləliklə, H.Səmədov Azərbaycan Taekvondo Federasiyasının yeni vitse-prezidenti seçilib.
