Tokio, 17 iyun , /AJMEDIA/
Qazaxıstan Respublikasının dövlət rəmzlərini təkmilləşdirmək lazımdır.
AJMEDIA Qazaxıstan mediasına istinadla xəbər verir ki, bu barədə Prezident Kasım-Jomart Tokayev Milli Qurultayın ikinci iclasındakı çıxışında bildirib.
Yeni dəyərlərin möhkəmləndirilməsi və milli kimliyin gücləndirilməsi üçün sistemli ideoloji iş aparmağın zəruriliyini qeyd edən Prezident konkret istiqamətləri diqqətə çatdırıb.
“Dövlət rəmzlərini təkmilləşdirmək lazımdır. Bu gün hər hansı bir dövlətin təsir səviyyəsi əsasən milli brendin gücü ilə müəyyən edilir, onun effektiv təşviqi üçün vahid üsluba və ümumi standartlara riayət etmək vacibdir. Rəmzlərimiz özünəməxsus milli kodumuzu aydın və parlaq şəkildə ifadə etməlidir. Qazaxıstan xalqları Assambleyasının bu yaxınlarda keçirilən sessiyasında mən ölkənin heraldik simvollarının daha da təkmilləşdirilməsinin zəruriliyindən danışdım. Düşünürəm ki, ilk növbədə regionlarımızın, şəhərlərimizin gerblərini ortaq məxrəcə gətirmək lazımdır. İndi onların bir çoxu forma və məzmun baxımından fərqlənən ən elementar tələblərə və qanunlara cavab vermir. Bu, haqlı olaraq ictimai tənqidə səbəb olur. Odur ki, bu sahədə hərtərəfli təhlil aparmaq və ümumi yanaşmalar işləyib hazırlamaq lazımdır”, – deyə dövlət başçısı vurğulayıb.
Prezident Kasım-Jomart Tokayev qeyd edib ki, dövlət rəmzləri bütün regionlar üçün vahid formaya gətirilməli, regional rəmzlərin işlənib hazırlanması və təsdiqi sistemi təkmilləşdirilməlidir.
Milli Qurultayın ikinci iclası şənbə günü Türküstanda keçirilib. Tədbirin məqsədi ölkənin birliyini möhkəmləndirən və cəmiyyəti birləşdirən yeni ideyalar üçün dialoq platformasına çevrilməkdir.
