Tokio, 16 iyul , /AJMEDIA/
İtaliyanın Neapol əyalətinin Torre del Qreko şəhərində üçmərtəbəli bina çöküb.
AJMEDIA xəbər verir ki, əraziyə mülki müdafiə və xilasetmə qrupları cəlb olunub. Ərazidə nəqliyyatın hərəkəti dayandırılıb.
İndiyədək dağıntılar altından 3 nəfər sağ çıxarılıb. Onların hamısı bədənin müxtəlif hissələrinin zədələnməsi ilə xəstəxanaya yerləşdirilib. Çökmə nəticəsində, həmçinin yoldan keçən 3 nəfər yaralanıb. Binada 5 ailənin yaşadığı bildirilir.
İtaliya Nazirlər Şurası Baş nazir Ciorcia Meloninin xilasetmə əməliyyatlarını yaxından izlədiyini, mütəmadi olaraq mülki müdafiə qrupunun rəhbəri ilə telefonla əlaqə saxladığını açıqlayıb.
