Tokio, 6 avqust , /AJMEDIA/
Avropa İttifaqı ölkələrinin 21-də 2,4 mindən çox Ukrayna vətəndaşı müalicə üçün qəbul edilib.
AJMEDIA xəbər verir ki, bu barədə Avropa Komissiyasının mətbuat xidməti məlumat yayıb.
“Avropa Mülki Müdafiə Mexanizmi vasitəsilə 2400-dən çox ukraynalı xəstə bütün Avropadakı xəstəxanalara xüsusi müalicə üçün göndərilib”, – Avropa Komissiyasının (AK) məlumatında bildirilib.
AK bu şəxslərin xəstəxanalarda nə qədər qaldığını və onların hərbi və ya mülki şəxs olub-olmadığını dəqiqləşdirmir.
Qeyd edək ki, 2022-ci ildə Avropa İttifaqı və NATO münaqişə zamanı yaralanan və müxtəlif xəstəliklərə məruz qalan Ukrayna ordusunun hərbçilərinin Avropada tibbi yardım alması və reabilitasiyadan keçməsi barədə razılığa gəlmişdi.
