Tokio, 21 may , /AJMEDIA/
ABŞ mediası Ukrayna Prezidenti Volodimir Zelenskinin Baxmutun ruslar tərəfindən tutulduğunu təsdiqlədiyini bildirib. Amma Ukrayna Prezidentinin Ofisi bunun belə olmadığını deyir.
AJMEDIA xəbər verir ki, Ukrayna Prezidentinin mətbuat katibi Sergey Nikiforov feysbuk səhifəsində Qərb jurnalistlərinin məlumatını təkzib edib. Onun sözlərinə görə, Volodimir Zelenski amerikalı həmkarı Co Baydenlə söhbəti zamanı Baxmutun ruslar tərəfindən tutulmasını inkar edib.
Nikiforovun qeyd etdiyi kimi, jurnalistlərin rusların guya Baxmutu alması ilə bağlı sualını cavablandıran Prezident belə cavab verib: “Məncə, yox”.
Qeyd edək ki, Röytersin yaydığı məlumata görə, Ukrayna Prezidenti Volodimir Zelenski amerikalı həmkarı Co Baydenlə görüşündə ukraynalı əsgərlərin Baxmut şəhəri üzərində nəzarəti itirdiyini təsdiqləyib.
Baxmutun Ukraynanın nəzarəti altında qalıb-qalmadığı sualına Volodimir Zelenski belə cavab verib: “Məncə, yox”.
“Bu gün Baxmut yalnız bizim qəlbimizdədir”, – deyə Ukrayna Prezidenti bildirib.
