Tokio, 6 aprel , /AJMEDIA/
“Hiscox HSX” sığorta şirkətinin yeni hesabatına görə, keçən il yapon rəssamı Yayoi Kusamanın əsəri dünya üzrə əsas hərraclarda təxminən 81 milyon dollara satılıb. Bu, onu əsərləri ən baha satılan XXI əsrin müasir rəssamı edib.
AJMEDIA xarici mediaya istinadla xəbər verir ki, Kusamanın əsərlərinin satışlarının artması ötən il əsərləri ən çox satılan rəssam Devid Hoknini ikinci yerə yüksəldib. “Hiscox”un məlumatına görə, Hokninin əsərlərinin satışı keçən il 50,3 milyon dollar təşkil edib.
Londonda yerləşən “ArtTactic” firması tərəfindən araşdırma və təhlilə əsaslanan sayca ikinci illik reytinqdə də qeyd olunub ki, Kusamanın ən yüksək pilləsi keçənilki qadın sənətçilərin güclü performansına uyğundur. 2023-cü il üçün ilk beşliyə Kusamaya qoşulan Cecily Braun da daxil edilib. O, 31,7 milyon dollarlıq satışla dördüncü olub.
Yoşitomo Nara 36 milyon ABŞ dolları ilə üçüncü, Corc Kondo isə 29,5 milyon ABŞ dolları ilə beşinci yerdə qərarlaşıb.
Yayoi Kusama yapon rəssamı, yazıçısı və şairi, quraşdırma və ifa ustasıdır. O, həyatda olan ən “bahalı” sənətçidir. Kusamanın əsərləri feminizm, minimalizm, sürrealizm, pop-art və abstrakt ekspressionizm xüsusiyyətlərini ehtiva edir, habelə avtobioqrafik və psixoloji məzmunla zəngindir.
