Tokio, 9 iyun , /AJMEDIA/
UNESCO məktəblərdə və kurikulumlar üçün “yaşıl” təhsil təşəbbüsü ilə çıxış edib.
AJMEDIA təşkilatın saytına istinadla xəbər verir ki, təşəbbüsün irəli sürülməsinin məqsədi gənclərin iqlim böhranı ilə mübarizədə konkret rol oynamasına şərait yaratmaqdır.
UNESCO-nun 2021-ci ildə 100 milli kurikulum çərçivəsinin təhlili göstərib ki, onların 47 faizi iqlim dəyişikliyindən bəhs etmir. Müəllimlərin yalnız 23 faizi öz siniflərində iqlim fəaliyyətinə lazımi şəkildə müraciət edir və sorğuda iştirak edən gənclərin 70 faizi iqlim böhranının səbəbini izah edə bilmir.
Bu təhlildən sonra təşkilatın Baş direktoru Odri Azule üzv dövlətlərə verdiyi dəstək baxımından ekoloji təhsili prioritet hesab edib. UNESCO hazırda 80-dən çox üzv dövlətin qoşulduğu “Yaşıl təhsil tərəfdaşlığı” proqramına rəhbərlik edir və BMT agentlikləri, vətəndaş cəmiyyəti, gənclər təşkilatları, həmçinin özəl sektor da daxil olmaqla, 1300-dən çox təşkilat arasında əməkdaşlığa dəstək göstərir.
Əgər son üç il ərzində UNESCO-ya üzv dövlətlər tərəfindən ekoloji mövzuların kurikulumlar arasında inteqrasiyası istiqamətində əhəmiyyətli irəliləyiş əldə edilibsə, bu gün təşkilatın birgə dərc etdiyi yeni hesabatda xəbərdarlıq edilir ki, təhsil prosesində daha çox ətraf mühit problemləri haqqında biliklərin verilməsinə diqqət yetirilməlidir. Bununla yanaşı, şagirdlərə iqlim böhranı ilə mübarizədə oynaya biləcəkləri rolu göstərmək vacibdir. Bu məqsədlə UNESCO üzv dövlətlərdəki təhsil icmaları üçün “yaşıl” təhsil üzrə tövsiyələr təqdim edir.
