Tokio, 16 fevral, /AJMEDIA/
Ər-Riyadda Səudiyyə Ərəbistanının Şura Məclisində Azərbaycanla parlamentlərarası dostluq qrupunun sədri Faiz Bin Abdulla Əl-Şəhri və parlament üzvlərinin ölkəmizin krallıqdakı səfiri Şahin Abdullayevlə görüşü olub.
AJMEDIA xəbər verir ki, Əl-Şəhri Səudiyyə Ərəbistanı və Azərbaycan arasında əlaqələrin yüksək səviyyədə olmasından məmnunluğunu ifadə edib və müxtəlif sahələrdə, o cümlədən qanunverici orqanlar arasında əməkdaşlığın hər iki ölkənin xalqlarının maraqlarına uyğun olduğunu qeyd edib.
Səfir Ş.Abdullayev, öz növbəsində, son vaxtlar Səudiyyə Ərəbistanı və Azərbaycan arasında əlaqələrin durmadan inkişaf etdiyini diqqətə çatdırıb. O, parlamentlər səviyyəsində əməkdaşlığın möhkəmlənməsinin əhəmiyyətini vurğulayıb.
