Tokio, 9 mart , /AJMEDIA/
Azərbaycan Dövlət Pedaqoji Universitetində tələbələrin təcrübəsinin təşkili istiqamətində çoxşaxəli fəaliyyət icra olunur. Ümumtəhsil məktəbləri ilə yanaşı, “Landau School”, “Hədəf” liseyi, Azərbaycan-Britaniya məktəbi kimi özəl və beynəlxalq müəssisələrdə də tələbələrin pedaqoji təcrübə keçməsi və karyera imkanlarını artırmaları təmin olunur.
Pedaqoji Universitetdən AJMEDIA-ya bildirilib ki, bu ildən etibarən alqoritmika təlimlərinə cəlb olunan 166 tələbənin təcrübəsi alqoritmika sinifləri olan məktəblərdə, 67 könüllü tələbənin təcrübəsi isə pedaqoji internatura əsasında ucqar rayonlarda təşkil olunur.
