Tokio, 8 noyabr , /AJMEDIA/
Bu ilin mart ayında ölkə boyu genişmiqyaslı tətil keçirən İspaniya yükdaşıyanları noyabrın 14-dən etibarən yenidən müddətsiz tətil elan ediblər.
AJMEDIA xəbər verir ki, Nəqliyyat Sektorunun Müdafiəsi üzrə Milli Platformada birləşən yükdaşıyanlar bu qərarı yükgöndərənlərin zərərlə işləməyi qadağan edən xərclər haqqında qanuna “riayət etməməsi” ilə əsaslandırırlar.
İspaniya hökuməti müvafiq qanun qəbul edərək və 450 milyon avroluq yardım paketini təsdiq etməklə mart tətil dalğasını dayandıra bilib. Amma indi hakimiyyət Milad kampaniyasının başlanğıcında tətillərin nəticələrini yenidən həll etməli olacaq.
Mart ayında etirazların vurduğu zərər paylama sektorlarına yüz milyonlarla dollara başa gəldi, buna şiddətli piketlər də əlavə edilərək əhəmiyyətli dərəcədə maddi ziyan dəyib. Təkcə tətilin ilk həftəsində 600 milyon avro məbləğində zərər hesablanıb.
Yeni etiraz “Qara Cümə” və Milad kampaniyaları ilə üst-üstə düşdüyü üçün daha çox itkilərə səbəb ola bilər.
