Tokio, 24 oktyabr , /AJMEDIA/
Bu il ölkəmizdə ilk dəfə olaraq, BMT-nin İnkişaf Proqramının dəstəyi ilə dövlət xərclərinin DİM-lərlə əlaqələndirilməsi üzrə metodologiya hazırlanıb.
AJMEDIA xəbər verir ki, bu barədə iqtisadiyyat nazirinin müavini Sahib Məmmədov oktyabrın 24-də Bakıda keçirilən “2023-cü il Qlobal Dayanıqlı İnkişaf Məqsədləri (DİM) Sammitinin Nəticələri və DİM-lərin həyata keçirilməsində Ali Audit Qurumlarının rolu” mövzuzunda 3-cü DİM Dialoqunda deyib.
“Büdcənin xərc maddələrinin DİM hədəfləri ilə ilkin əlaqələndirilməsi göstərir ki, 2022-ci ildə icmal büdcənin ümumilikdə 82 faizi DİM hədəfləri ilə əlaqələndirilib. Bu rəqəm 2022-ci il ÜDM-nin təxminən 23 faizinə bərabərdir”, – deyə nazir müavini qeyd edib.
