Tokio, 9 iyun , /AJMEDIA/
Elektron ticarət seqmentinin çinli pərakəndə satış nümayəndəsi “Alibaba” ABŞ və Avropa ölkələrində kiçik müəssisələrinin cəlb edilməsinə yönəlmiş yeni xidmətləri təqdim etməklə, qlobal bazarda iştirakını genişləndirir.
AJMEDIA dünya mediasına istinadla xəbər verir ki, Alibaba.com tədarük, ödənişlər və mübahisələrin həlli sahəsində şəffaflığın artırılmasına imkan verəcək “Alibaba Guaranteed” adlı xidmətə start verildiyini elan edib.
Çin istehlakçıları uzun müddətdir ki, tədarük prosesini izləmək və uyğun olmayan malları sərfəli şərtlərlə qaytarmaq imkanına malikdirlər. Lakin, kiçik pərakəndə müəssisələrində sərhədyanı ticarətlə əlaqəli çətinliklər səbəbindən son vaxtlara qədər belə bir seçim yox idi. “Alibaba.com”un yeni xidməti müştərilərə malların göndərilmə tarixləri və pulsuz geri qaytarılma imkanları haqqında daha dəqiq məlumat vermək məqsədi daşıyır.
“Alibaba.com”un prezidenti Kuo Çjanın qeyd etdiyi kimi, belə bir xidmətin göstərilməsi mövcud qlobal tendensiyalara uyğundur. Onun sözlərinə görə, qlobal tədarük zəncirlərində yüksək dərəcədə parçalanma müşahidə olunur: kosmetika istehsalçılarından tutmuş avtomobil konsernlərinə qədər artan sayda yerli bizneslər marjanın qorunmasına kömək edən qlobal satınalmalara ehtiyac duyur.
Onlayn platforma əsasən Çin tədarükçüləri tərəfindən ABŞ, Avropa ölkələri və dünyanın digər bölgələrindəki kiçik müəssisələrə təqdim olunan malların satışı ilə məşğuldur. Alibaba.com saytında satınalmaların həm pərakəndə, həm də topdan olaraq mövcud olduğu qeyd edilib, lakin istifadəçi qeydiyyatı səhifəsində “təchizatçılar korporativ müştərilərlə iş aparmağı üstün tutduğu” vurğulanır.
Kuo Çjan iddia edir ki, son beş ildə Alibaba.com alıcılarının sayı ən azı üç dəfə artıb və onlayn ticarətin pul ifadəsində ümumi həcmi təxminən 50 milyard dollara çatıb. Elektrikli avtomobillərin populyarlığının artması, Alibaba.com platformasında satılan avtomobil hissələrinə tələbatın artmasına səbəb olub. Avropa alıcıları arasında idman məhsullarına tələbat var.
“Freedom Finance Global”ın aparıcı analitiki Natalya Milçakovanın fikrincə, Avropa şirkətləri üçün “Alibaba Guaranteed” xidmətinin yaranması çox vaxtındadır, çünki malların geri qaytarılmasına yüksək qiymət və Avropada artan inflyasiya Avropa pərakəndə satışının müştəri bazasını azaldır. Analitikin qeyd etdiyi kimi, yeni xidmətə bundan sonra süni intellektin tətbiqi Çin şirkətinə Avropadakı müştəri bazasını əhəmiyyətli dərəcədə artırmağa imkan verəcək.
