Tokio, 18 iyun , /AJMEDIA/
ABŞ Dövlət katibi Antoni Blinkenin Çin Xalq Respublikasına səfəri başlayıb.
AJMEDIA Çin Xarici İşlər Nazirliyinə istinadla xəbər verir ki, artıq Entoni Blinkenin çinli həmkarı Çin Qan ilə görüşü baş tutub.
İki gün davam edəcək səfər zamanı keçirilən görüşlərdə ikitərəfli və beynəlxalq məsələlər müzakirə olunur.
Qeyd edək ki, dünyanın 2 ən böyük iqtisadiyyatına malik ölkələri olan ABŞ və Çin arasında Tayvan məsələsi, Ukrayna mövzusu, Koreya yarımadasındakı gərginlik, ticarət mübahisələri, ABŞ-ın Asiya-Sakit okean regionunda hərbi iştirakının çoxalması da daxil olmaqla, bir çox sahədə ciddi fikir ayrılıqları var. Hər iki ölkənin özünü haqlı bildiyi əsaslı və davamlı mövqeyi, hər ölkənin “qırmızı xətləri” var. Bu baxımdan Çin-ABŞ təmasları tərəflər arasındakı rəqabətin məsuliyyətli formada idarə edilməsinin və maraqların toqquşmadığı yerlərdə əməkdaşlıq imkanlarının müzakirəsi baxımından əhəmiyyətlidir.
