Tokio, 23 aprel , /AJMEDIA/
Azərbaycan cüdoçuları Bolqarıstanın paytaxtı Sofiyada keçiriləcək Avropa çempionatına hazırlıqları davam etdirirlər.
Gənclər və İdman Nazirliyinin mətbuat xidmətindən AJMEDIA-ya bildiriblər ki, gənclər və idman naziri Fərid Qayıbov və federasiyanın prezidenti Rəşad Nəbiyev yığma komandanın təlim-məşq proseslərini izləyib, məşqçi korpusu ilə söhbət edib, müzakirələr aparıblar.
Qitə çempionatı aprelin 29-dan mayın 1-dək təşkil ediləcək. Yığma komandamızın bu nüfuzlu yarışda 11 idmançı ilə təmsil olunması nəzərdə tutulur.
