Ukrayna daha 130 hərbçisini əsirlikdən geri qaytarıb

Tokio, 7 mart , /AJMEDIA/

Ukrayna ilə Rusiya arasında əsirlərin növbəti mübadiləsi baş tutub, 130 Ukrayna hərbçisi evlərinə qayıdıb.
AJMEDIA xəbər verir ki, bu barədə Ukraynanın Prezident Ofisinin rəhbəri Andrey Yermak bildirib.
Azad edilən hərbi qulluqçular arasında Milli Qvardiyanın üzvləri, sərhədçilər və Ukrayna Silahlı Qüvvələrinin hərbçiləri də var. Onlardan 87-si Mariupolun müdafiəçisi, o cümlədən 71-i “Azovstal”ın əsgəridir. Bundan başqa, Baxmut və Soledar bölgələrində əsir götürülənlərdən 35 nəfəri geri qaytarılıb.
Qeyd edilib ki, genişmiqyaslı müharibə başlayandan bəri Ukrayna 2000-ə yaxın vətəndaşını əsirlikdən azad edib.

Follow us on social

Facebook Twitter Youtube

Related Posts