Tokio, 19 may , /AJMEDIA/
Tacikistanın Dağ Bədəxşan Muxtar Vilayətinin Ruşan şəhərində baş verən iğtişaşlarda 8 nəfər ölüb, 11 nəfər yaralanıb, 70-dən çox etirazçı saxlanılıb.
AJMEDIA Tacikistan Daxili İşlər Nazirliyinin mətbuat xidmətinə istinadla xəbər verir ki, iğtişaşlarda ölənlərdən biri zabitdir.
Bildirilib ki, iğtişaşçılar Düşənbə-Xaroq yolunu bağlayaraq tələblərini irəli sürüblər.
Hadisə ilə bağlı cinayət işi açılıb, istintaq aparılır. Vilayətdə vəziyyət gərgin olaraq qalır.
Qeyd edək ki, Dağ Bədəxşan Muxtar Vilayəti Əfqanıstanla həmsərhəddir.