Tokio, 4 mart , /AJMEDIA/
Milli Azərbaycan Tarixi Muzeyinin təşkilatçılığı ilə noyabr ayında keçiriləcək “Qarabağın tarixi–mədəni irsi” respublika elmi konfransına məqalə qəbulu davam edir. Konfrans ölkəmizdə 2022-ci ilin “Şuşa İli” elan edilməsi haqqında Azərbaycan Respublikası Prezidentinin Sərəncamına əsasən təşkil olunacaq.
Muzeydən AJMEDIA-ya bildirilib ki, konfransda iştirak etmək üçün məruzələr iyunun 1-dək nargiz.aliyeva.52@mail.ru və behmen_76@mail.ru e-poçt ünvanlarına göndərilməlidir.
Konfrans Qarabağın maddi-mənəvi irsi və muzeylər, Qarabağın abidələri və görkəmli ziyalıları, Qarabağ irsinin muzey kolleksiyalarında təbliği məsələləri, Qarabağda müasir dövrdə aparılan mədəni quruculuq işləri mövzularını əhatə edəcək.
Məruzələrin tərtibatına dair tələblərin məzmunu muzeyin saytında yerləşdirilib.