“Nissan” şirkəti qarşıdakı beş ildə elektromobillərin və təmiz texnologiyaların istehsalına 2 trilyon yen yönəldəcək

Tokio, 29 Noyabr, /AJMEDIA/

Yaponiyanın “Nissan Motor” avtokonserni qarşıdakı on ildə elektromobillərin və təmiz texnologiyaların istehsalı üçün böyük məbləğdə investisiyaları nəzərdə tutan “Nissan Ambition 2030” inkişaf strategiyasını təqdim edib.

AJMEDIA xəbər verir ki, bu barədə şirkətin noyabrın 29-da yaydığı məlumatda bildirilir. Qeyd edilir ki, şirkət qarşıdakı beş ildə 15 elektromobil və səkkiz hibrid daxil olmaqla 23 yeni modelin genişləndirilmiş xəttini yaratmaq üçün müxtəlif texniki innovasiyaların tətbiqinə 2 trilyon yen (17,6 milyard dollar) yönəldəcək. Bundan əlavə, şirkət 2028-ci ildə litium-ion akumlyatorlarından üstün akkumulyatorlarla təchiz edilmiş yeni avtomobilləri də bazara çıxarmağı planlaşdırır.

Yeni strategiyanın yapon şirkətinə 2026-cı ildə elektromobillərin və hibrid avtomobillərin aparıcı dünya bazarlarında satışını artırmağa şərait yaradacağı gözlənilir.

Follow us on social

Facebook Twitter Youtube

Related Posts