Tokio, 14 aprel, /AJMEDIA/
Əlcəzair Fransa səfirliyinin 12 əməkdaşına ölkə ərazisini tərk etmələri üçün 48 saat vaxt verib.
AJMEDIA xəbər verir ki, xarici işlər naziri Jan-Noel Barroya görə, bu, Fransa ərazisində ağır cinayətlərdə şübhəli bilinən üç Əlcəzair vətəndaşının həbsinə cavabdır.
Əlcəzairin Xarici İşlər Nazirliyi şənbə günü axşam verdiyi açıqlamada bu vəziyyəti cavabsız qoymayacağına söz vermişdi. “Bu qəbuledilməz və görünməmiş yeni vəziyyət Əlcəzair-Fransa münasibətlərinə böyük ziyan vuracaq”, – deyə Əlcəzair XİN-ın açıqlamasında qeyd edilib.
Jan-Noel Barro isə Əlcəzair səlahiyyətlilərini bu məhkəmə prosesləri ilə əlaqəsi olmayan bu haldan imtina etməyə çağırıb. “Səfirlik əməkdaşlarını ölkədən çıxarmaq qərarı qüvvədə qalarsa, dərhal cavab verməkdən başqa çarəmiz qalmayacaq”, – deyə Fransa XİN rəhbəri xəbərdarlıq edib.
