Tokio, 12 Oktyabr, /AJMEDIA/
Oktyabrın 11-də futbol üzrə dünya çempionatının Avropa zonası üzrə seçmə mərhələsinin səkkizinci turuna start verilib.
AJMEDIA xəbər verir ki, turun ilk oyun günündə E, G, H və J qruplarında ümumilikdə 11 qarşılaşma keçirilib.
G qrupunda Türkiyə millisi səfərdə Latviya yığmasının qonağı olub. Oyunda hesabı Latviya yığması açıb. Oyunun 70-ci dəqiqəsində Merih Demiral avtoqola imza atıb. Altı dəqiqə sonra isə Serdar Dursun tarazlığı bərpa edib. Matçda son nöqtəni isə əsas vaxta əlavə olunmuş 9-cu dəqiqədə penaltidən Burak Yılmaz qoyub. Bu nəticədən sonra xallarını 15-ə çatdıran Türkiyə millisi 3-cü pillədəki mövqeyini qoruyub. Beş xalı olan Latviya isə 5-cidir. Bu qrupun digər matçlarında lider Niderland xalsız Cəbəllütariqi darmadağın edib (6:0), 2-ci yerdə gedən Norveç isə Monteneqroya minimal hesabla qalib gəlib – 1:0.
J qrupunda Rumıniya Ermənistanı, Şimali Makedoniya Almaniyanı, İslandiya Lixtenşteyni qəbul edib. Səfərdə Şimali Makedoniyaya qalib gələn (4:0) Bundestim vaxtından əvvəl dünya çempionatına vəsiqəni təmin edib. Buna Ermənistanın Rumıniyaya uduzması (1:0) səbəb olub. İslandiya isə Lixtenşteyn seçməsini darmadağın edib – 4:0.
Gün ərzində keçiriləcək görüşlərlərdə aşağıdakı hesablar qeydə alınıb:
E qrupu
Belarus – Çexiya – 0:2;
Estoniya – Uels – 0:1.
Qrupdakı vəziyyət: Belçika – 16 (6 oyun), Çexiya – 11 (7), Uels – 11 (6), Estoniya – 4 (6), Belarus – 3 (7).
G qrupu
Latviya – Türkiyə – 1:1;
Niderland – Cəbəllütariq – 6:0;
Norveç – Monteneqro – 2:0.
Qrupdakı vəziyyət: Niderland – 19, Norveç – 17, Türkiyə – 13, Monteneqro – 11, Latviya – 6, Cəbəllütariq – 0.
(Hər komandanın aktivində 8 qarşılaşma var).
H qrupu
Kipr – Malta – 2:2;
Sloveniya – Rusiya – 1:2;
Xorvatiya – Slovakiya – 2:2.
Qrupdakı vəziyyət: Rusiya – 19, Xorvatiya – 17, Sloveniya – 10, Slovakiya – 10, Malta – 5, Kipr – 5 (Hər komandanın aktivində 8 qarşılaşma var).
J qrupu
Şimali Makedoniya – Almaniya – 0:4;
Rumıniya – Ermənistan – 1:0;
İslandiya – Lixtenşteyn – 4:0.
Qrupdakı vəziyyət: Almaniya – 21, Rumıniya – 13, Şimali Makedoniya – 12, Ermənistan – 12, İslandiya – 8, Lixtenşteyn – 1.
(Hər komandanın aktivində 8 qarşılaşma var).
Qeyd edək ki, dünya çempionatına birbaşa vəsiqəni 10 qrupda birinci yeri tutan komandalar qazanacaqlar. İkinci pilləni tutan 10 ölkə UEFA Millətlər Liqasının ümumi reytinqində 2 qrup qalibləri ilə birgə pley-off mərhələsində üz-üzə gələrək, qalan üç vəsiqənin sahibini müəyyənləşdirəcək.