Azərbaycanın şahmat komandası dünya çempionatında mübarizəyə başlayır

Tokio, 20 noyabr , /AJMEDIA/

Noyabrın 20-də İsrailin Qüds şəhərində şahmatın rapid növü üzrə komandalar arasında dünya çempionatı start götürür.
AJMEDIA xəbər verir ki, yarışda ölkəmizi Şəhriyar Məmmədyarov, Teymur Rəcəbov, Qədir Hüseynov, Rauf Məmmədov, Aydın Süleymanlı, Vüqar Əsədli təmsil edirlər.
Turnirdə ümumilikdə 12 komanda mübarizə aparır. Yığmalar hərəsində altı komanda olmaqla iki qrupa bölünüb. Azərbaycan Hindistan, İsrail, Polşa, ABŞ, Özbəkistanın yer aldığı “B” qrupunda mübarizə aparacaq. “A” qrupunda isə Çin, Fransa, Niderland, CAR, İspaniya, Ukrayna komandaları yer alıblar. Bir dövrəli sistem üzrə keçiriləcək beş turluq mübarizənin sonunda, qrupda ilk dörd yeri tutmuş komandalar yarışın dörddəbir final mərhələsinə vəsiqə qazanacaqlar.
Bu gün ilk turda Azərbaycan komandası Özbəkistan millisinə qarşı mübarizə aparacaq.
Qeyd edək ki, kişilərdən ibarət Azərbaycan yığması 3 dəfə Avropa çempionu olsa da (2009, 2013, 2017), indiyədək dünya çempionatında medal qazana bilməyib.

Follow us on social

Facebook Twitter Youtube

Related Posts