Tokio, 23 sentyabr , /AJMEDIA/
Futbol üzrə Azərbaycan yığması UEFA Millətlər Liqasında növbəti qələbəsini qazanıb.
AJMEDIA xəbər verir ki, millimiz C Liqasının üçüncü qrupunda Slovakiya yığmasının qonağı olub.
Trnava şəhərindəki Antona Malatinski stadionunda oynanılan matçda Azərbaycan millisi 2:1 hesablı qələbə qazanıb.
Şotlandiyalı baş hakim Uilyam Kollamın idarə etdiyi matçda millimizin heyətində Renat Dadaşov və Höccət Haqverdi fərqləniblər. Rəqib komandanın heyətində isə qolu qapımıza təyin olunan penalti zərbəsini dəqiq yerinə yetirən Erik Yirka vurub.
Qeyd edək ki, Azərbaycan yığması sentyabrın 25-də altıncı – sonuncu turda Qazaxıstanı, Slovakiya isə Belarusu qəbul edəcək. Qazaxıstan 13 xalla qrup lideri kimi B Liqasına vəsiqə qazanıb. Hesabında 7 xalla olan Azərbaycan millisi turnir cədvəlində ikinci pilləyə yüksəlib. Slovakiya 6 xalla üçüncü, Belarus isə 2 xalla sonuncu pillədə qərarlaşıb.
