Azərbaycanlı tələbə ABŞ-da keçirilən müsabiqədə birinci olub

Tokio, 26 mart, /AJMEDIA/

Bakı Musiqi Akademiyasının III kurs tələbəsi, “Heydər Əliyev adına təqaüd”ün mükafatçısı, respublika və beynəlxalq müsabiqələr laureatı Kənan Məmmədzadə ABŞ-da keçirilən “Golden Classical Music Awards” müsabiqəsində 1-ci yerə layiq görülüb.

AJMEDIAxəbər verir ki, o, müsabiqənin dünyaca məşhur Karnegie zalında keçirilən bağlanış-qala konsertində iştirak edib.

K.Məmmədzadə vətənpərvərlik prizmasından yanaşaraq solo violin üçün M.Həşimovun və A.Əliyevin “Rast” improvizasiyalarını ifa edib.

Muğam-lad intonasiyası əsasında yazılan bu əsər əcnəbi musiqiçilərin və dinləyici kütləsinin marağını cəlb edib.

Müsabiqə çərçivəsində Kənan Məmmədzadənin müəllimi tanınmış pedaqoq, professor Hökumə Əliyeva da mükafatlandırılıb.

Follow us on social

Facebook Twitter Youtube

Related Posts