Tokio, 23 iyul , /AJMEDIA/
Azərbaycan Milli Elmlər Akademiyası (AMEA) daha bir nüfuzlu beynəlxalq elmi quruma – Akademiyalararası Tərəfdaşlıq Assosiasiyasına (IAP) üzv seçilib.
AMEA-dan AJMEDIA-ya bildirilib ki, bu münasibətlə təşkilatın rəhbərliyi adından AMEA-ya təbrik məktubu göndərilib.
Tam üzvlük sertifikatı 2025-ci ildə keçiriləcək növbəti IAP Baş Assambleyası tərəfindən təqdim olunacaq. Bu müddət ərzində AMEA səsvermə istisna olmaqla, IAP-nin bütün fəaliyyətinə qoşula bilər. IAP-nin saytında akademiyanın öz profil səhifəsi olacaq.
Xatırladaq ki, AMEA 2023-2024-cü illərdə Beynəlxalq Elmi Şura, Asiya Elmlər Akademiyaları və Elmi Cəmiyyətləri Assosiasiyası və Avrasiya Universitetlər Birliyi kimi akademik qurumların da üzvü seçilib.