Aİ qlobal oyunçu rolunu itirə bilər – Borrel

Tokio, 11 Oktyabr, /AJMEDIA/

Avropa İttifaqı böyük ölkələr siyasətinin obyektinə çevrilərək dünya arenasında tam hüquqlu oyunçu olma qabiliyyətini itirmək riski ilə üzləşir.

AJMEDIA “TASS”a istinadən xəbər verir ki, bu barədə Aİ-nin xarici işlər və təhlükəsizlik siyasəti üzrə ali nümayəndəsi Jozep Borrel bildirib.

O deyib: “Bu gün avropalılar hadisələri özləri formalaşdırmaq əvəzinə başqalarının qərarlarını yerinə yetirərək beynəlxalq məsələlərdə oyunçu olmaqdan çox obyekt olmaq riski ilə üzləşirlər”.

Ali nümayəndənin sözlərinə əsasən, dünyada getdikcə Avropa məsələlərinə təsir edən iki tendensiya var. Birincisi ABŞ və müttəfiqlərinin Çini saxlamaq səyləridir. Misal olaraq, Borrel Vaşinqton, London və Kanberra tərəfindən “AUKUS” müdafiə müqaviləsinin imzalanmasını göstərib ki, bu layihəyə aid təqribən 50 milyard dollarlıq təchizatlar indi ABŞ tərəfindən təmin ediləcək.

İkincisi isə Rusiya kimi oyunçulara manevr və təsir imkanlarını genişləndirmək imkanları yaradan çoxqütblü dinamikadir dedi Borrell. Onun fikrincə, “bu cür hərəkətlər çox vaxt Suriya, Liviya və Malidə olduğu kimi Avropa İttifaqının dəyər və maraqlarına xələl gətirir”.

Aİ-nin qlobal siyasət obyektinə çevrilməsinin qarşısını almaq üçün Borrel icma liderlərini ittfaqın öz silahlı qüvvələrinin yaradılmasına dəstək verməyə və bu qüvvələrin istifadə şərtlərini təyin etməyə çağırıb. Bu qüvvələr NATO ilə rəqabət aparmamalı, onu tamamlamalıdır, Aİ isə avropalılar üçün əsas strateji tərəfdaş olaraq qalacaq ABŞ ilə səylərini yaxından əlaqələndirməlidir.

Borrel təsdiqləyib ki, ittfaqın qlobal siyasətə yeni strateji yanaşması və onun həyata keçirilməsinin əsas yolları “Ai-nin Strateji Kompas” konsepsiyasında formalaşdırılacaq. Qurumun xarici siyasət xidməti konsepsiyanı noyabr ayında təqdim edəcək və təsdiqi 2022-ci ilin martında gözlənilir.

Follow us on social

Facebook Twitter Youtube

Related Posts